Digital object identifier
| Digital object identifier | |||
|---|---|---|---|
 | |||
 | |||
| Nome curto | DOI, ДОИ e ЦІО | ||
| Tipo | identificador de publicacións e identificador persistente(pt) | ||
| Data | |||
| Fundación | 2000 | ||
| Composto por | |||
Composto por
| |||
| Contacto | |||
| Páxina WEB | doi.org… | ||
| [ Wikidata ] | |||
O DOI ou identificación de material dixital (en inglés, digital objet identifier) é un tipo de identificador persistente ou handle único que permite identificar de modo unívoco diversos obxectos dixitais.[1] Foi estandarizado pola Organización Internacional para a Estandarización (ISO 26324:2012).[2] O DOI forma parte un sistema estándar para a identificación e localización de obras difundidas a través de calquera tipo de formato dixital, por exemplo Internet.
É un sistema parecido aos identificadores URI. Unha forma común de empregar o sistema DOI é dar ás publicacións científicas un número específico que calquera pode utilizar para localizar a través da Rede o citado artigo. A diferenza do sistema URL, usado nas páxinas web, o sistema DOI non cambia co paso do tempo, aínda que o artigo sexa recolocado nun enderezo distinto posto que leva a información incorporada en forma de metadatos.
O sistema de control DOI foi elaborado pola Corporation for National Research Initiatives,[3] unha asociación estadounidensenon lucrativa destinada a promover o desenvolvemento das tecnoloxías da información e a comunicación no campo da investigación científica.
A Fundación DOI xestiona o sistema DOI en nome das axencias encargadas dos rexistros DOI e é unha autoridade de rexistro da ISO 26324.[4]
Notas
[editar | editar a fonte]- ↑Miguel, Varo Ortega (5 de agosto de 2016). "DOI : Digital Object Identifier". Glosario de términos bibliotecarios(en castelán). Arquivado dende o orixinal o 02 de novembro de 2023. Consultado o 2 de novembro de 2023.
- ↑"ISO 26324:2012(en) Information and documentation — Digital object identifier system". www.iso.org. Consultado o 2 de novembro de 2023.
- ↑Corporation for National Research Initiatives
- ↑Fundación DOI (ed.). "About Us". www.doi.org. Consultado o 2 de novembro de 2023.
Véxase tamén
[editar | editar a fonte] | Wikimedia Commons ten máis contidos multimedia na categoría: Digital object identifier |
